你一生人最重要的時間是什麼時候？
是逃避傷痛，重見天日之時？
是重要的人離開之時？
是你忍痛離開心愛的人之時？
我總係諗唔到，要我答一個人生最重要既時間我總會答係2月3日
一個曾經我刻意去迫自己記住既一個日子，一個令我認識到某個人然後認識到乜野係相愛感覺既日子。
時間係分兩種，
一種係不斷向前行，屬於大家既時間。
一種係靜止，屬於你自己既一個時間。
從來唔會係入場先研究我將會睇一個關於乜野既故事。
入場後得知呢個係一個關於外星人既故事
陳嬌呢個外星人實在太正ＸＤＤ
仲要扭腰先笑爆咀
葉櫻係度不斷等待一個被外星人帶走左既老公，等了又等等左廿年。
連自己都就黎要推翻自己，想迫自己面對「現實」。
現實可以係假，話比自己聽佢老公比外星人帶走之後係永遠唔會返黎。
現實或者可以係真，話比自己聽其實佢老公根本由頭開始已經走了，係上海？死左？走左？
身邊既人，包括佢個女怪怪，包括佢係擺攤時候識既朋友小范都要質疑葉櫻一直係度等究竟係一個希望，定係一個假象。
連觀眾都一齊係度期待究竟佢會唔會等到呀。
當阿高同怪怪一齊安排一場「戲劇治療」比佢媽媽，因為老錢過份代入自己既感情，係呢套戲入面穿左崩，大家係度諗究竟葉櫻會唔會崩潰呢？
就係佢要面臨面對現實同崩潰既邊緣，佢老公出現了。
究竟係同「乖乖」（即葉櫻自己製造一個怪怪既正面形象／假象）一樣係一個假象？
定係佢老公真係出現，然後仲帶佢走？
葉櫻究竟係走左定係死左？
都唔重要。
如果葉櫻屬於某一個靜止既時間。
咁怪怪同阿高，小范，小范老婆，老錢都總會屬於一個不斷向前既時間。
人或者都係需要係一個不斷向前既時間入面尋一刻屬於自己既時間。
或開心或悲痛。
0 留言