睇完《賈寶玉》之後, 簡直不能自拔地重複聽住《癡情司》
比起《那些年》更耐人尋味, 情感更細膩 (那些年既感想遲少少打啦~~)
唔知劇團係咪吸收左上一次《紅娘的異想世界在西廂》，今次特意係整個劇前加一節"預演"
由十二金釵用倒敍法由現在結果用"之前呢"去講返整個故事既大概
令本身對唔太熟悉紅樓夢既觀眾, 大約知道個故事係會講乜
正如介紹舞台劇既小冊子一樣, 會問: 點解係賈寶玉而唔係紅樓夢?
或者紅樓夢實在太多仔細需要交代
不如就抽出賈寶玉呢個靈魂人物去做呢個故事
今次由賈寶玉可以睇見燈效有明顯改變, 有別之前林奕華其他作品, 其實之前林奕華既舞台劇既燈效都好靚, 不過今次加左d新既元素, 有新鮮感~
今次係睇咁多次林奕華舞台劇之中唯一一套全女班上陣既舞台劇
入場前都有d擔心會唔會無左王耀慶會點呢(唔好意思係呀我好鍾意王耀慶XD)
出奇地, 十三個女兒身出黎既舞台劇結果都係無乜悶場
唯一美中不足就係中途會有d歌係由何韻詩唱, 但係唱既期間未免有d似演唱會
因為何韻詩背後其實可以有d事情可以交代/表達
但係就無做到
但係d歌都好好聽, 咁就放過佢啦(XD)
或者賈寶玉林黛玉既故事, 實在係無睇過紅樓夢既人都略知一二, 唔需要好廢力去塑造二人既感情, 都感受到兩個人之間果種莫失莫忘, 不可分割既感情
原本故事就係話賈寶玉會因為黃熙鳳對賈府既諫言, 欺騙賈寶玉會娶林黛玉, 點知一掀起紅色既蓋頭巾就發現果個原來係薛寶釵...
但黎到賈寶玉呢個故事, 竟然....一掀頭巾, 係林黛玉
我以為因為賈寶玉由天上世界求警幻仙子比佢再回到凡間既過去, 改變到d乜野..令到最後既結局同以前有所不同
偏偏警幻仙子就提過寶玉, 唔可以改凡間任何已知結局既事情
當寶玉就算真係好想娶黛玉......但偏偏都忍痛同黛玉分離...再一次承受失去黛玉既痛, 同埋面對黛玉因為失去佢既傷心
等黛玉還晒今生既眼淚..去返天上世界做返佢既絳絑妹妹
我覺得呢個位最好睇..
到最後, 寶玉走返上原本故事既軌道, 娶左薛寶釵..
直至寶玉"再死一次"回到天上世界..佢同警幻仙子話如果有機會佢都係想再返番去凡間
因為佢已經得到生存所需要既勇氣
係一個好悲涼既故事, 得到一個積極既結局......
唔只振奮到每一個劇團既演員
都振奮到觀眾
審視過去 勇敢面對將來
Awaking.
0 留言