《咁愛咁做》黃子華舞台劇

無睇過黃子華係舞台既表演,失敬地只係係youtube睇過佢既棟篤笑

純粹因為好奇而走入劇院睇呢個舞台劇
算係無乜特別期望(基本上我就從來唔喜歡帶住好多期望走入戲院/劇院)
我睇果日劇後仲有座談會,先知道呢個劇原本係黎自英國既舊劇



對於整個劇既感想
未免編劇有d貪心地想係一個描寫女人面對感情既貪婪中間表達出政治既不滿
不過或者呢個可以成為呢個劇既特色
中間有d時候甚至令人分心.............情況最嚴重既情節係係開頭, Nicole同Max係「舞台」面前演夫妻之後,返到小明(黃子華)屋企,小明,Nicole兩夫妻同Max同Nadia兩公婆係度討論套「劇」應該點演,同埋之後佢會有一個節目要佢揀8首歌...中間我真係睇到精神散渙,去到Nadia同小明講「錫我」我個魂魄先一下子拉返番黎XD
有時真係就算兩公婆幾咁有默契,都係會出軌
默契如同小明提起過一首歌,完全唔記得歌詞,唔記得旋律,淨係記得係邊度聽過
Nicole都可以搵返出黎,我覺得呢個除左係記性好之外,某程度上應該都仲算係一種默契,如果有經歷過類似既事,你會明白果刻既小明係會覺得Nicole應該有幾可愛..

可惜感覺呢樣野真係....
全劇戲角色最鮮明同時最討人厭既係Nadia,我想講就算係女人,都會覺得佢好吸引卦(?!)
睇事情有主見,有角度,做事唔拖泥帶水(你可以話某些時候係絕情),敢愛敢恨,雖然唔知自己其實要乜野但係起碼知道乜野對自己最重要
Nadia因為欣賞白家傑對政治既睇法同敢作敢為,決定用佢自己演戲既能力為佢發聲,結果因為演呢個戲而同一個細個自己既阿風搞埋左一齊
之前係車度仲講「你抵毀一個女人既老公係唔洗旨意同佢一齊」
轉頭係另一邊已經錫緊
只可以話Nadia忠於自己當時果刻既感覺,有感覺就一齊,無感覺就分開
情況有如我琴晚翻睇朱茜菲-《錯愛七十個七次》既葉薔薇一樣啦～
「寧願錯愛七十個七次，都不要放棄一次機會去愛。」
極度有個性,同時極度任性同自私:O
自命不凡,到最後可能都係得個平凡結局
如果學似Nadia咁既愛情觀,仲會唔會有真愛呢?

又或者應該問,呢個世界,其實係咪真係有真愛呢?


P.S. 我到打呢篇野既時候先知道Nadia就係韋羅莎Rosa..真係有眼不識泰山呀omg..!