突然飄來一個似遠還近的目標－2015米蘭世博
講真，世博其實有乜咁好睇？
門票又唔係平，搞乜要特登買機票book酒店去呀？
經2010年上海世博既經驗
確實有種難以言喻但又覺得非去不可既感覺
世博門票確實唔係平，刻意要安排機票酒店，打算輕輕鬆鬆旅行但係偏偏因為去世博搞到要晨咁早就要出門口
為乜？
我並沒有足夠資金時間環遊全世界，就算我有錢有時間去圍繞地球一周
但係我沒有能耐去一睹全球先進科技喎。
曾經wiki一下世博既歷史任務係乜，其實佢背景係一個推動商業既貿易活動
而漸漸演變成宜家係代表文明智慧，同埋嘗試用展覽模式展現不同地方將來既生活。
雖然上次去上海既經歷覺得某部份國家既展館入面純屬求其展覽一d已有既科技
有d模型仲整得勁差
但係講真，仲有以下既野可以睇：
- 無建築背景既我，覺得就咁去睇展館外型都十分之嘆為觀止，記得當時上海世博日落照在英國館，場面好靚，而呢個畫面，世博完結後各館被清拆係可一不可再（即係睇各館既建築）
- 另外就係館內，記得當時意大利館將成個樂團既樂器陣容，全部垂直90度裝嵌係牆上面，勁！（但係其實都驚佢裝得唔實會跌落黎…即係睇館內設計）
- 仲有一樣就最「世博」，就係有ｄ館會簡介佢果個國家或地區既背景及少少歷史，再講將來預計會點樣發展，有ｄ比較仔細甚至會做晒模型去向大家「展現」將來既模樣
- 最後就係睇下主辦國家如何應付如此多既人流，點樣分流？同埋各國家既館用乜野去紓緩長長等候者既情緒
而呢ｄ所有所有，你可能短短用兩三日時間你就可以睇10幾個國家既發展方向
（據上次世博經驗，要去晒所有館基本上係mission impossible）
就係因為咁，我決定再戰2015世博
為此，7月我開始由1蚊儲起，暫時只得EURO 100‥！
如你都有興趣去的話，大家2015，米蘭見 :)
延伸閱讀：世博的歷史，2010年上海世博，2015年米蘭世博
0 留言