內向手記

曾經我自以為係一個溝通能手......
係中學果陣..係chatroom仲時興既時代..
hi~你住邊?
呢種開場白
然後見到有人話唔開心即刻問問問做乜唔開心呀?
你可以咁咁咁啦,或者點點點啦?

到到chatroom轉移返去icq..
大家開始見net fd既時候
我都仲未察覺原來我自己係有問題



我以為..係人地錯..點解唔留返阿邊個同我講野?
事實其實係..就算留返阿邊個同我係度..
我地都唔可以講d乜野

有一段好長既時間, 我忘記我自身既呢個問題..
直至近呢一兩年, 工作慢慢變成生活既全部
到我見到朋友..................就算自己本身好似有D乜野要講, 都變左啞口無言
唔好問我點解, 我都唔知點解
永遠發言個主導都唔會落係我度.....就算有咁既機會. 我都會語塞乜野都講唔到, 然後將個波交返比人

情況就好似某年HKCEE 考ENG ORAL
全枱人係度講講講.....而我只可以插到咀中間講一句..i total agree with you.......
當然, 個分結果係點..唔洗問啦

但係如果比我冷靜落黎係個電腦面前打, msn好, line好, 就算google+好..facebook個chat也好
總係比起我真人有相對多少少既話題
唔知呢個係咪同我由小五開始已經慣用電腦同人溝通有關係

到宜家...其實我都仲未搵到解決既辦法
而身邊有d人既人生已經步進另外一個階段
而我好似仲係度原地踏步...........

其實..真係有d迷惘...
另外,好似好耐無打過咁多字係講自己...