[護髮] 拯救頭髮

講個秘密你知


其實我由中三開始甩頭髮甩到宜家
中二果陣貪得意去電負離子, 好可惜因為我髮質軟弱自然捲曲毛燥
第一次電hold得耐 (果陣細個都唔知髮型屋有無幫我落隔離層..)
到好似隔一兩年後再電就hold唔得耐 (依然係唔知髮型屋有無幫我落隔離層..)

曾經有段甩頭髮好好好嚴重既時間
就係用pantene倍感直順既時候
無錯, 佢的確一洗一吹就直到好似負離子左咁
好可惜, 連頭皮都比佢搞到崩直, 無放鬆既感覺
你見到把頭髮以為好好, 其實已經好傷

隔左多年我先知道原來pantene係好傷頭髮 /_\
我仲用左接近兩年既時間..由倍感直順去試, 試到受損髮質

用用下終於放棄, 開始轉用Asian, 我開始用果陣佢只係得黃色包裝果種
佢主張修護
咁咪試囉, 其實用完把頭髮都順左, 少左毛燥 (唔等如無毛燥!!)

但係夏天用.....好"立"-______-
同埋只係頭髮順左, 唔等如頭髮甩少左喎!
咁我就開始質疑..............
開始左每兩個月就焗油既日子.....(好貴呀!!!!!!!!)

我係焗fiole N.P. 3.1..都焗左差唔多幾年
問題係, 我每次焗完無耐個頭總會有時候突然赤赤痛
我就諗: 係咪比人用指甲洗頭抓傷左呢?
宜家再諗: 如果傷左再有d焗油膏落左傷口個頭皮都幾慘T_T

焗油好係對頭髮好d..少d毛燥 (依然係有囉 :( )
咁我要轉洗頭水啦~就用沙宣
沙宣係幾好架, 又香, 洗完頭髮又順, 毛燥再少d (依然係................!!!)
覺得我唔好再諗係咪頭髮既問題
會唔會係頭皮既問題?

之後我又轉左喇, 用左施巴5.5既修護洗頭水lu
雖然佢無沙宣果d既香味 (聞過頭髮既人都話沙宣好香...搞到我出外郊遊比蜜蜂圍 /_\)
但係我覺得洗落好似無甩得咁嚴重 (依然有甩 /_\)
我甚至有諗過係咪要用施巴既防脫 :(

不過經過一連串既分折, 我相信應該係我頭皮出現問題
所以毛燥呀軟弱呀無彈性呀唔理佢lu!! (大誤)

曾經最恐怖既時候我見到自己d頭皮甩皮....仲要有d紅腫 (救命呀..............)
所以我決定的起心肝對自己d頭髮好少少

有見及此就買入左以下以下：

1. 木梳
2. 鈦鍺元素梳，包裝上聲稱吹整後頭髮更柔順
3. Previa 1 深層淨化頭皮劑 

點解係買梳呢?
因為我覺得梳好緊要, 好既梳可以梳順頭髮 (因為乾同毛燥, 經常打死結........點解我唔鍾意梳頭, 因為每次都梳到好痛-_-)
順之餘仲可以按摩頭皮 (好啦我以前一路都無留意頭皮係要按摩)
我淨係按摩頭髮.........../______________\

咁希望按下可以救到啦 :(
另外係previa淨化頭皮劑
留意左一星期左右..功用應該同男朋友用緊既netrogena洗頭水一樣..
即管試試


如果唔係...............................我都唔知點算 (有無人話我知可以點算-_-)

相關文章：
發紅、發熱、發痛：頭皮濕疹警號
防掉髮方案：Nashi vs Previa系列