放假狠狠地煲劇..已經好耐無試過, 將10集既日劇連埋套戲一次過睇晒..
睇影評, 有人話當時入戲院既好多都係上左年紀既女人.....
um..我呢個唔算係熟女既...都覺得好好睇喎(唔通我心態已經係熟女了=_=")
|
|
 |
| 圖片來源：http://img.funshion.com/ |
雖然話琉璃(京香)係老左既女人, 但係劇中實在除左覺得佢擁有女強人既剛強之外
仲不失一個成熟女人既韻味
然後先發現原來女人一個動作同一個眼神都可以咁靚
(已經唔走去計眼角有無紋呀..皮膚有無皺呀果d..)
對於一個已離婚既女人再遇真愛..真係好難理智地話要放過佢..
另一邊箱就因為晨早無考慮過結婚究竟係乜野一回事就去左結婚既鈴木行(長谷川)...
而兩個都係強勢既人..一拍即合都好正常
唔......始終都係覺得男人係需要經歷下先好結婚....否則無一個"想安定"既思緒就結婚.....
總係感覺婚後好易出軌...............
因為就算係一d好小既感情波動..在於佢心目中都變成好大.........完全只不過係因為未經歷過......
至於鈴木萬理江(深田恭子)呢個角色係劇中真係一個天使同魔鬼既角色.......
劇既中間我一度以為佢會做出d乜野血腥既行為..
好彩佢無..否則都唔知繼唔繼續睇落去....個感覺會變左好似《Last Friends》
但係佢表面扮無知都想守護佢同鈴木行既關係..........
真係分唔清究竟佢真係因為愛佢而唔想分開..定抑或從細就無人敢逆佢意所以唔想佢走...
我欣賞呢套劇既結尾唔係只係交代鈴木行既去世就完結
而係佢過生後琉璃同萬理江仲有一幕.........就首尾呼應全劇琉璃先係愛鈴木行果個.....
就算去到死後仍然一樣, 呢個先令人耿耿於懷
反而行既死對萬理江係一個釋懷
睇完劇
我仲走左去睇左戲...
有人話完全係一個sp..
我又覺得唔係
如果佢係sp...未免同劇有太多重複得黎又不完全相同既部份
但話佢係一個戲.......我又覺得中間過程交代得太敷衍
彷彿當觀眾都已經明白..(雖然大部份觀眾都係睇左劇已經明白)
如果個劇個重點放係一個熟女再覓最愛同中間既矛盾掙扎
戲個重點大約放係女人可以自力更身甚至比男人更好....
但係...呢個重點會唔會對鈴木行呢個角色太殘忍了
佢意氣風發既時間大約只有頭果20分鐘.....草草交代左佢係酒會如果認識到琉璃
然後又將焦點放回已經係馬來西亞瀕死既行......
坦白講..呢套戲入戲院睇的話實在係太悶.........
只可以為京香創造左一個傳奇
0 留言