《開關係》－ Open Relationship

計算的愛情才可長久
不安的關係才想去愛

有個好男人同我講：我真係唔明點解果d賤男(女)咁多人愛！

睇完大約明白吧？

Ken Wong：有法例規定唔可以鍾意人賤架咩？

就好似結尾果句一樣：一切，都係有得揀




或者唔好用賤去形容，有時佢地都係迫不得已。
有人好似ken wong咁係因為自己太脆弱..睇唔到對方痛苦地為自己付出..就怕對方會忘記自己
有人又好似Alice(劉雅麗)咁..生活已經無任何衝擊.......不如黎d刺激丫

身邊亦都有友人一直身處open relationship
當然，佢唔承認
不過其實我可以理解佢因為乜野原因會身處其中....
總言之, 我唔再身處其中就可以了

唔好以為賤人係賤所以就無感覺了...面對住兩方(甚至更多方)對自己好.....自己卻因為自己愛情觀異於常人而不能為兩方作出什麼補償....
望見兩個人痛苦...自己亦都痛苦
彷彿有呢種痛苦先覺得自己生存
其實最可憐就係咁吧.......大家都無得益

有時承認自己open relationship既人...先係最唔希望open既人..

當然...............
世界仲有種無得可憐既人....
就係害人害己之餘..仲要無視自己痛苦.......呃自己既人..

仲有阿澤(佑南)既角色彷彿提醒大家唔好係愛情中迷失自己.......否則下場並唔好
而larry, 初初對ken wong只係話"係街抱下你"就好..到最後..........又係想互相利用既關係之中跳出黎想變成純粹既愛情關係..可惜一早有雜質...而且ken wong一早根本係打算利用larry (但唔可以話佢對larry無感情)

最接近大部份人既應該係dee..被對方控訴話感受唔到愛
先作出d舉動急於挽救瀕死既關係
對於呢種「偉大」
有d人接受到就會係返埋一齊......
但...一早心結就已在於對方係一直唔知足吧

Juliet呢?
唔好以為同性之間同異性之間既愛情差太遠
背叛呢個層面可是十分相似

佈景方面,今次係燈光有新嘗試..全場紅色既燈光充滿恐怖得黎又帶警示意味
果場十分深刻

另外alice同dee屋企既佈景有個蝴蝶花紋既衣櫃(係劉雅麗的情意結嗎?笑)

仲有酒吧/渡假屋果個兩層佈景, 加上燈光效果, 十分之靚