用"數學"證明的存在感 - 《求証》

原來《求証》呢個劇早在2005年係香港首演
之後兩次係上海公演, 當然呢幾次都係不同既班底做

不過之前無睇過, 無得比較~
今次人物唔多, 就由開始到終結都係四個(三個)

當全世界都無辦法證明自己係正常, 仲可以點?
此劇話你知可以用數學.........

本身入去劇院前我猜想可能係一場感情既背叛,
女主角有妄想症/強迫症, 然後不斷覺得男主角背叛自己, 男主角因為好愛女主角然後瘋狂地搵方法去證明自己根本對佢並無半分背叛........(好啦~我係諗多左/諗少左)

***以下嚴重劇透***




我睇呢個劇反而覺得佢係講親情
最最最深刻係以下
catherine (邵美君) 由退左學返屋企照顧曾經係數學界無人不曉, 到宜家抱恙既爸爸 (陳淑儀),
到爸爸知道catherine之後會去西北大學..直頭會搬埋去果邊住
由於其實爸爸心底其實好想catherine係度陪住自己, 知道佢要走...
病情急轉直下, 就算有學生黎到討教, 都開始有少少語無倫次

到突然有日, 爸爸覺得自己腦入面既摩打著返
開始可以研究數學, 打算同個女一齊研究..........
點知個女發現自己係簿上面寫既完全係一篇連邏輯都無既東西

果刻既打擊係多麼大, 但個女都繼續陪住佢

爸爸後生時係用佢獨到既分析, 係數學界存在
到老年有精神病, 係每日同catherine一齊生活證明左佢既存在

最後爸爸不在了

catherine個家姐claire, 返到黎陪住一個人住係老宅既catherine
表面係一個擔心既模樣, 背後其實返黎係為左同係家鄉既朋友聚舊
口話為個妹, 但其實做既行動無乜野係為左個妹諗.......

一個如此被孤立既catherine, 係呢個時候竟然戀上左當日向爸爸討教既數學家Hal
兩個都愛數學既人相戀, 應該開心啦~
誰不知Hal彷彿係為左係catherine身上得到佢爸爸係精神病期間寫既筆記, 希望得到驚人既數學結論
最後Hal得唔到任何結論, 但得到catherine自稱係佢自己做既"求証"筆記
好可惜當時根本無人相信係catherine做

最後Hal搵學校既同撩推論左本筆記應該係catherine做
catherine係陪住佢爸爸既時候做既野終於得到證實..........

想講用數學去作一個感情既推論呢個方法好新鮮,
但原來呢樣野久在9年前已經嘗試左了

有d人天生有才能, 好似catherine爸爸, 對數學既熱誠就造就佢既成就
而catherine, 就一步一步, 一筆一筆, 一頁一頁咁證明左佢對數學既熱枕, 同時證明左佢既邏輯思維 (因為好一陣子Hal同Clarie都質疑catherine同佢爸一樣有精神病...)
*按 : 但我唔否認過於邏輯亦都變左彷彿精神病
至於Hal, 一路對數學有熱誠, 羨慕有才既catherine同爸爸卻又覺得自己乜野成就都無..但其實佢得到既同catherine同爸爸又唔同
因為佢愛數學, 令佢可以進入更加多同佢一樣愛數學既圈子, 不斷分享大家既見解, 一齊爛醉...
雖然話佢無推論到d乜野
但如果話catherine同佢爸爸對數學既分析係用深度..咁Hal就可能係闊度

唔講clarie...因為佢彷彿太功利XD

如果你又可以用數學證明自己存在........
咁又會係一條點樣既公式?