一年之末

記得漸的欺騙性嗎?
果時讀文學簡直覺得《漸》係一篇外星文章, 做乜鬼要作咁Q大篇文黎寫時間既流逝?
好地地學鄭愁予一邊談下情寫個《水巷》唔好?!

但原來人大了, 先發現時間原來係如此捉唔住....
2013年, 公認為末日後既新一年
漸漸就係手指間, 鍵盤間, 言語間, 溜走了



記得2013年年頭我立既目標唔多, 因為有好多既野我根本無乜動力做
其中一個比較時刻提醒要做既, 就係要學市儈

亦都算係做得比較成功, 雖然12月仲有幾日
但係琴晚忽發奇想, 去計下2013年除基本收入以外, 仲有幾多額外收入呢?
原來整年加埋都有接近宜家一個月糧咁多...即係我可以當係多一份小bonus..

不過我花係呢堆錢上既時間, 好似用得太多....
今年基本上係無乜幾時見過朋友, 寥寥可數
同埋個人好容易就病..真係青春不再

而且呢一年亦都開始學識左工作時工作, 唔係工作果陣盡量都係唔好再諗了
隨住工作上既事情越黎越不可理喻, 真係覺得自己再攬上身係無乜為...亦都唔開心

但係當放低呢D事之後, 就會發覺我工作之外既時間無乜野可以諗
除左錢
呢種空虛, 唔係有無另一半既問題.......
彷彿個腦就係得個殼一樣

或者睇多D書, 做多D周邊無謂野可以幫到我
正如我覺得無啦啦拎D廣告彩出黎畫係好不智既行為, 又要走去買個調色盤 (雖然好平)
但係竟然畫完 (仲要唔知畫乜) 之後, 個人出奇地有種開心既感覺..

原來開心可以係你願意主動完成一D task..

或者下年既目標就係學識主動"尋開心" lol