身亡了嗎? 戀愛總是平靜地意外身亡

戀愛總是突然地來臨，突然地身亡。
就如以下呢篇感想都係比我估計中更突然地出現ＸＤ

對於睇開林奕華既舞台劇既我，突然開始睇第二個編劇，ｕｍ，有一種新鮮既感覺。
從來林奕華既舞台劇雖然都係一個佈景貫穿整套劇，但係佢既佈景總是很深。
今次突然發現，丫～原來佈景都可以咁ｗａｒｍ咁近。



睇呢個劇有一種《六樓后座》既感覺，四個人合夥租工廠大廈一個單位。
總會有人好鍾意呢種生活？
我其實就麻麻的ＸＤ

雖然把口成日話幾時一齊搬出黎住呀
但係心知「知我是個無法討好的人」
所以都係廢事同朋友一齊相見好同住難啦。

好講返正題

我諗大部份人睇呢個劇都會鍾意Jude既角色啦，表面極ｃｏｏｌ，實質最脆弱既小麻雀嘛，就如Bird所言一語道破。

感覺有時似陣風，話黎就黎，話走就走。
話結婚就突然結婚
話分手都突然分手

無得反抗，無得掙扎

用「身亡」去比喻突然覺得貼切在呢種感覺就如同面對死者已矣既心情。

有時有Ｄ野擱置係度打算死拖爛拖
最後可能就拖出個遺憾

有時諗，如果Jude肯同Eric一齊，佢係咪就唔會死呢？

唔會知道了。

幾個孤獨既人走埋一齊打算無咁孤獨，呢條橋係唔work的。
但係大部份人每一次都會繼續重複咁做，因為，真係好孤獨嘛！

睇住佢地由大家一齊由孤獨開始，到大家變成互相扶持。
有一種老懷安慰既感動（？！ＸＤ）

對於Ringo同埋Michelle呢一段「動物園感情」，我相信，其實我真係無得唔認同其實我都係。
我總以為呢一種感情唔會有好結果的，但係睇到佢地互相遷就（並唔係覺得委屈），最後希望求到共釋果一下，我其實心中釋懷而且感動，同時有種羨慕既感覺。

如果我都可以，你話幾好呢。

如果相比起一拍即合既激情，
我會寧願目睹互相磨合最後兩個人都適合對方呢一種感動。


打到呢度，我鼻酸了。

如果，「放棄」是我們最大的武器。
你，用了這武器嗎？