結果就打算去太空館睇戲, 點知5點果場《天生愛自由》得返前坐
咁男朋友話唔睇前坐~就買左下場 中間個時間就去左隔離睇豐子愷, 雖然我本身都唔係好識佢
我淨係知佢好出名
原來佢係中國有名既散文家/畫家/書法家/文學家/美術/音樂教育家
點解可以咁多才多藝?!
佢D字真係好靚 :)
我地分別睇左佢比較前期畫既護生畫集, 同埋之後人間情味既彩色畫
同畢加索一樣, 真係去到人生就黎完結, 佢都仲係度畫緊..
以下POST幾個我印象比較深刻既幾幅 (圖片來源全部黎自網上, 因為場內唔比影相啦)
係護生畫集入面主要表達佢支持素食護生, 佢畫出當時既人殺害動物既情況, 雖然只得白紙同毛筆, 但係畫出黎既訊息比有顏色更鮮明...有D睇到人有心痛既感覺......
護生畫集入面分開左幾個訊息既畫同文, 有部份係講人殺生係如此令人心痛, 有部份係講動物有靈性天生都會善待人類, 有部份係講如果人能夠同動物"和平"共處會有幾快樂...大約係咁
 |
| 《喜慶的代價》 |
相信大部人份除了新年有禽流感爆發之時，會在電視裡面看到大批雞被人道毀滅的時候有那種「唉，真陰公」的感覺之外，又有沒有人會留意其實就算沒有禽流感，過年過節都會有一批動物被"人道毀滅"呢？！
豐子愷用畫同文字警醒左大家呢件事...
 |
| 《囚徒之歌》 |
另外就係呢幅《囚徒之歌》
呢幅印象深刻唔係因為訊息令人記得, 係因為我覺得佢畫得好靚 :)
彷彿見到佢真係一筆一筆咁畫個籠
不過佢都唔主張亂咁將本身就屬於太自然既動物養成寵物...主張放生
 |
| 《豁然開朗》 |
睇完黑白色文字偏多既護生畫集
就去左睇人間情味
主要有兩幅, 我唔知點解佢用色唔多但係可以有如斯效果...
《豁然開朗》, 彷彿就係一幅相........整個感覺都令人好閒適
 |
| 《有情世界》 |
另外仲有一幅不得不放, 就係呢幅《有情世界》
我當時睇果個係黑白的, 係由豐子愷幼女豐一吟加左注釋再結集成書的
我覺得豐子愷除左自己本身多才多藝之外, 佢亦都教佢既子女教得好好 :)
因為佢幼女手字都好靚!! (誤)
會將自己爸爸既作品再宣揚出去...實在差極有限~
呢幅係我地宜家無聊時候都會做既事...我諗有人會記得我地係隻蕉度畫公仔XD
重點在於除左每件物品都有表情之外, 佢地個表情係仲有解釋的
例如日曆上個囧樣(哈哈)係因為時光飛逝所以皺眉,
把扇個得戚樣係因為上一季比人擱置係櫃既角落度所以好開心
佢地會有呢個思想...好得意~
 |
| 《攢研》 |
最後兩幅係同教育有關的, 其中《攢研》係香港藝術館買票送書簽既果幅畫,
我果刻覺得點解覺得得一個款架?!
但係宜家打感想既時候又覺得........書簽就係用呢幅畫先黎得更有味道同更有意思
唔同人睇呢幅有唔同睇法, 有人覺得鑽入書, 再鑽出黎, 其實都無分別, 根本無體會到書中意義或善用到知識
但有人又覺得鑽研就係要做到好似畫中咁轍底, 整個人都浸淫係書既內容入面體會
我個人覺得第二個意思比較貼題, 如果子愷本身係無反諷既意思XDD
 |
| 《某種教育》 |
睇果陣真係笑左出黎, 因為完全係用個模bear出黎, 出奇地由佢當時196x年畫, 到宜家大約40年後(就黎又話半個世紀)
都依然適用......究竟係教育制度既問題, 抑或係教育本意就係如此?!
同場有播電視訪問小思同幾位文學家講豐子愷漫畫既節目
我記得之前電視播我都無睇
岩岩經過播果個場地淨係睇到最尾小思講兩句: 豐子愷既畫到宜家先黎睇, 都唔過時
無錯, 完全正確
教育, 護生..不分時日, 終生受用吧?
******************************************
0 留言