《婚前試愛》

葉念琛。

愛情第四步曲。

睇完只有一個感想，就係「葉念琛你好過份。」

重重地狠批愛情之餘，之前都《獨家試愛》已經掂邊既婚姻

黎到第四步曲都被狠狠地揭露現實既一面。

又睇愛情小說又睇葉念琛既我。

同友人講：我一方面相信葉念琛既愛情觀，一方面又奢望愛情小說既情節發生。

就係咁矛盾

棄用鄧麗欣同方力申，換黎周秀娜同羅仲謙呢個新組合

咁睇得周秀娜同浸大E神，當然就唔似以前淨係睇劇情A_A

話說之前無奈地被迫地睇左《殭屍新戰士》，比起宜家，周秀娜算係進步左好多

起碼都有ｄ表情睇下ＸＤ

雖然大家都唔係望佢平時果ｄ表情（哈）

講周秀娜係婚前同個三日鮮一齊，然後羅仲謙即都同浸大E神一齊三日

最邪惡係周秀娜果個三日鮮原來根本自己都仲有三日就同佢現任女朋友結婚

睇到真係個心寒一寒

另外就係「內疚最能夠維繫一段感情」

而咁邪惡就係雙方都係內疚

安排方皓文、金剛、洪天明做男女主角身邊既朋友，同最後交換情報，再交換向對方既朋友爆料，呢個方法可以話明智亦可以話不智

所謂一次不忠百次不容

雖然佢地結婚呢刻有內疚作牽繫，但係亦難保之後佢地兩個對外要維繫「感情」果陣會比另一半發現，到時係咪又發生令外一次《獨家試愛》

到最後，只可以「唉」一聲。

都係結個婚唧，唔洗諗咁多呀？（ＸＤ）